Velkomin á heimasíðu Guðspekisamtakanna í Reykjavík,         Nýju Avalon miðstöðvarinnar.

Guðspekisamtökin í Reykjavík eru hluti af alþjóðlegri hreyfingu, The Theosophical Fellowship, með höfuðstöðvar í Ástralíu. Hreyfingin er rekin án hagnaðar og höfðar til fólks sem vill lifa lífi byggðu á réttum mannlegum samskiptum og guðdómlegri visku, guðspeki. Guðspeki hefur verið skilgreind sem dulspeki trúarbragða allra tíma og innsti sannleikur þeirra.

Ananda Tara Shan (1946 - 2002) stofnandi Guðspekisamtakanna og lærisveinn Maitreya miðlaði kennslu samtakanna, Maitreya guðspeki, sem leggur áherslu á hagnýtingu guðspekinnar. Í því skyni þróaði hún í samvinnu við Meistara Helgistjórnarinnar, heilunar- og hugleiðslukerfi samtakanna, jarðarheilunarþjónustur o.fl. Sjá nánar um markmið Guðspekisamtakanna á heimasíðu The Theosophical Fellowship.

Í Nýju Avalon miðstöðinni er rekin Hjartaflæði heilunarmiðstöð sem heyrir undir Heart Flow Worldwide. Hjartaflæði er skilgreint sem niðurstreymi Maitreya í gegnum hina heilögu Móður. Hjartað er uppspretta kærleika og fyrirgefningar, hinn mikli sáttasemjari milli persónuleika okkar og andlega sjálfsins. Hjartaflæði á heimsvísu leitast við að leiða saman og sameina góðviljað fólk sem getur unnið saman við að færa kærleika og heilun til Móður jarðar